Guddoonka labada Aqal ee Baarlamaanka Jamhuuriyadda Federaalka Soomaaliya ,Mudane Cali Shacbaan Ibraahim ku-xigeenka 1aad ee Golaha Aqalka Sare oo ay wehliyaan Mudane Cabdullaahi Cumar Abshirow Guddoomiye Ku-xigeenka 2aad ee golaha shacabka yo ku-Xigeenka 2aad ee Aqal Sare Mudane Cabdullaahi Cali xirsi (Timacadde ) ayaa ka qayb galay kulanka wadajirka ah ee Labada aqal ee Baarlamaanka 11aad.
Ajandaha Kulanka Maanta ayaa ahaa.
1) Dhammeystirka ka doodista soo-jeedimaha wax-kabadalka Dastuurka.
CUTUBKA 1-aad: Baaqa Jamhuuriyadda• QODOBKA 1aad ilaa 9-aad.
Xildhibaannada Baarlamaanka labada Aqal ayaa ka dooday in wax ka bedel lagu sameeyo qodobada qaar, waxayna sidoo kale Xildhibaannadu ka doodeen, Saraynta sharciga ku dhaqanka Diinta Islaamka Xuquuqda Muwaadinka, Meeqaamka Caasimada dalka, Qoondada Haweenka, Astaanta Qaranka iyo Jinsiyada Muwaadinka, ilaalinta xuduudaha Dalka.
Fadhiga Golaha oo wakhti badan qaatey waxa goob joog ahaa Bulshada Raydka, Qaar ka mid ah Culimada Soomaaliyeed iyo Aqoonyahano kuwaas oo dhageysanayay doodda Xildhibaannada iyo talo soo jeedinta Qodobada qaar ee u baahan wax ka bedelka Dastuurka KMG ah.
