Xildhibaan Prof Maxamed Cumar Dalxa, Gudoomiyaha gobolka Banaadir ahna Duqa Magaalada Muqdisho Mudane Cumar Maxamuud Maxamed (Cumar filish) oo ay wehliyaan Gudoomiye ku-xigeneda Maamulka Gobolla Banaadir ayaa ka qeyb galay kulanka ka warqabka Bulshada iyo Wacyi galinta dadweynaha oo galabta lagu qabtay Degmada Boondheere ee Gobolka Banaadir.
Ka qeybgalayaasha ayaa sheekeeyay muhiimadda ay leedahay isdhexgalka bulshad iyo in laga warqabo xaaladaha ay ku suganyihiin bulshada ku nool Gobolka Banaadir.
Guddoomiyaha gobolka Banaadir ahna Duqa Magaalada Muqdisho Mudane Cumar Maxamuud Maxamed (Cumar filish) ayaa bulshada degmada Boondheere kula dar daarmay inay xoojiyaan la shaqeynta maamulka, isagoo intaa ku daray Maamulka Gobolka Banaadir uu wax ka qaban doono baahiyaha gaarka ah ee ay soo gudbiyeen.
Xildhibaan Prof Maxamed Cumar Dalxa ayaa sheegay in ay tahay talaabo aad u wanaagsan barnaamijyada nuucaani oo kale ah ee lagu ogaanayo xaaladaha ay ku suganyihiin bulshada caasimadda.
