Xildhibaanno Siyaasiyiin iyo waxgarad oo maalmihii u dambeeyay booqasho ku tagay deegaanadii dhawaan laga saaray argagaxisada Al Shabaab ee gobolka Hiiraan ayaa maamulka gobolka Hiiraan ku wareejiyay maleeshiyaad UGUS ka tirsan oo isku dayay in Xildhibaanada jidgooyooyin ay ku sameeyaan taasi oo ay ku hungoobeen.
Ujeedada socdaalka xildhibaanada ay ku tageen deegaanadii dhawaan laga xoreeyay UGUS sida Ceel Cali ayaa waxa uu ahaa sida ay ula socon lahaayeen xaalada bini’aadanimo iyo mida amni, iyagoo dawooyin kale duwan gaarsiiyay deegaanadaasi.
Xildhibaan Maxamed Ibraahim Sambuur oo ahaa guddoomiye ku xigeenkii amniga iyo siyaasada gobolka hiiraan oo socdaalka Xildhibaanada qeyb ka ahaa ayaa sheegay in muqadas ay tahay la dagaalanka argagaxisada, waxaana uu ugu baaqay dadka ku dhaqan deegaanadii Shabaab laga xoreeyay in ay ka qeyb qaataan sidii loo ciribtiri lahaa.
Xildhibaan Maxamed Maxamuud Goodir iyo Xildhibaan Daahir Amiin Jeesow ayaa si wada jir ah meel fagaaro ah ugula hadlay shacabka Deegaanka Ceel Cali ee gobolka Hiiraan, iyagoo u sheegay waxa ay ugu yimideen in ay tahay in ay ka taliyaan aayahooda ayna ku dhiira galiyaan la dagaalanka argagaxisada, waxaana ay u sheegeen in ay helayaan waxa alaale wixii horumar ah oo ay ka doonayaan Dowladda.
Guddoomiye ku xigeenka dhinaca amniga iyo Siyaasada Maamulka Gobolka Hiiraan Maxamed Ibraahim ahna ku simaha maamulka gobolka ayaa sheegay amaanka gobolka Hiiraan in ay ku amaanamyihiin Ciidamada qalabka sida loona baahanyahaya shacbiga reer hiiraan in ay ka gacansiiyaam xaqiijinta ammaanka.
