Xildhibaanno ka tirsan Baarlamaanka Federaalka ee Soomaaliya ayaa faahfaahin ka bixiyay socdaal ay ku gaareyn Deegaanno ka tirsan Goballadda Sool iyo Sanaag,
Qaar kamid ah Xildhibaanada oo dib ugu soo laabtay Muqdisho ayaa sheegay inay socdaal shaqo ku tegeen deegaanno badan oo ay ka midyihiin buuhoodle iyo kuwa kale, isla markaana kulamo ay la qaateen odoyasha dhaqanka oo ay kala hadleen midnimada Ummadda Soomaaliyeed, isla markaana uu wada hadalkooda guulo ku soo dhamaaday.
Xildhibaan Cabdirashiid Cabdullahi Maxmaed, Xildhibaan Cabdullaahi Xasan Rooble iyo Xildhibaan Yuusuf Maxamed Cali oo la hadlay Radio Muqdisho ayaa yiri “Waxaan gaarnay deegaanno dhowr ah, waxaana la kulanay odoyaasha dhaqanka, waxaana dowladda Federaalka ah ugu baaqaynaa inay xoojiyaan midnimada Ummadda Soomaaliyeed, runtii bulshada ku nool Sool iyo Sanaag waxa ay yihiin kuwa ay ka go’antahay ka shaqeynta midnimada Ummadda Soomaaliyeed”.
