Xildhibaano ka tirsan baarlamanka Soomaaliya ayaa Tababar ku saabsan dib u eegista hindise sharciyeedka La dagaallanka been xalaaleysashada lacagta waxa uu uga furmay magalada Nairobi ee Dalka Kenta.
Tababarka xildhibaannada ka tirsan Guddiga Maalinyadda iyo qorsheynta baarlamaanka Soomaaliya uga furmay magalada Nairobi ayaa waxa uu ku saabsan yahay dib u eegista hindise sharciyeedka La dagaallanka been xalaaleysashada lacagta iyo ka hortaga dadka maalgelinta siiya argagixisada.
Waxana xaflada furitaanka tababarka ka qeyb galay Safiirka Soomaaliya ee dalka kenya Mudane Jamaal Maxamed Xasan Guddoomiyaha Guddiga Maaliyadda baarlamaanka iyo xubno ka socday hay’adda UNDP.
Tababarkani oo socon doona muddo todobaad ah isla markaana ay soo qaban qaabisay hay’adda UNDP ayaa ujeedka Tababarka waxaa ka warbixiyay Samaan Maxamed Sheeq Daahir oo ah Guddoomiyaha Guddiga Maaliyada iyo qorsheynta Baarlamaanka Soomaaliya.
“Siminaarkan aan maanta furnay wuxuu ku saabsan yahay dib u eegista hindise sharciyeedka La dagaallanka been xalaaleysashada lacagta iyo ka hortagga dadka maalgelinta siiya argagixisada,dadka ka qeyb galaya waa xildhibanada ka tirsan guddiga maaliyadda iyo qorsheynta baarlamanka Soomaaliya iyo howlwadeennada la shaqeeya guddigaas,wuxuu socon doonaa mudo todobaad ah oo ka bilaabanaysa 21 ka bishaan oo manta ah illaa 27 bishan” Ayuu yiri Samaan Maxamed Sheeq Daahir.
Tababarka xildhibaannadan ka tirsan Baarlamaanka Soomaaliya uga furmay Magalada Nairobi ayaa imaanaya xilli dhawaan Guddoonka sare ee Baarlamaanka loo gudbiyay hindise sharciyeedka La dagaallanka been xalaaleysiga lacagha oo la filayo inay meel mariyaan mudaneyaasha baarlamnka. 
