Alaha u naxariistee Xilibaan Maxamed Axmed Gurxan oo ka tirsan baarlamaanka Soomaaliya ayaa u geeriyooday dhaawac culus oo saakay maagalada muqdisho ay ugu geysteen dableey hubeysan.
Wasiirka Wasaaradda Warfaafinta Xukuumadda Soomaaliya Mudane Maxamed Cabdi Xayar Maareeye ayaa Radio muqdisho u xaqiijayay geerida Xilibaanka, Isagoo Uga tacsiyeeyay Ehelada iyo xubnaha baarlamaanka Soomaaliyeed ee uu ka baxay Marxuumka.
Alaha u naxariistee Xilibaanka ayaa lala beegsaday illaa lix Xabadood,waxaana la dhigay Cisbitaalka Daaru-shifaa halkaas oo uu goor dhaw ku geeriyooday.
Taliyaha ciidanka booliska Gobalka Banaadir Gen Cali Xirsi Barre Cali Gaab oo ka hadlay weerarka lagu dilay Xilibaan Gurxan ayaa sheegay in la helay raadka Kooxihii dilkaasi ka dambeyay ayna qaadeen tallaaboyin looga dabatagayo falkaasi.
