Cyril Ramaphosa ayaa loo doortay hogaamiyaha cusub ee xisbiga ANC waxaana uu ergada ANC ee taageersana ka helay codad gaaraya 2440 Cod halka Nkosasana Dlamini- Zuma oo la tartameeysay ay heshay 2261 cod
Ramaphosa oo haatan da,diisu tahay 65 jir ayaa hadda waxa uu yahay Madaxweyne kuxigeenka koonfur afrika waxaana la sadaalinayaa in uu madaxweyne ka noqon doono koonfur afrika doorashada soo socoto ee dhaceeyss sanadka 2019 isagoo xilka kala wareegi doona madaxweynaha waqtigiisu sii dhamanaya ee Jacob zuma Inkasto doorasho guud ay dhaceeyso xiligaas 2019 ayaa hadane xisbiga ANC waxa uu yahay midka ugu awooda badan koonfur afrika waana mida loogu sadaalinayo in hogaamiyahan cusub ee ANC Ramaphosa uu noqdo madaxweynaha mustaqbalka dhow ee koonfur afrika
Cyril Ramaphosa oo ah nin ganacsade ah dhaqaalahane bartay ayaa ku haminaya in uu wax weyn ka qabto musuqmaasuqa la degay dowladda haatan jirta ee uu xubinta ka yahay iyo dhaqaalaha hoos usii dhacaya waxaana taageera xoogan uu ka haysta ganacsatada wa weeyn ee koonfur afrika gaar ahaan Cadaanka
Dhinaca kale Dlamini-Zuma oo u tartameeysay jagada hogaamiyaha xisbiga ANC ee looga adkaaday ayaa gudiga tirinta codadka ka dalbatay in mar kale in codadka la tiriyo si ay u qanacdo waxaana taasi ay keentay in saacada kooban ku dhawaaqista qofka guleeystay dib loo dhigo
Kadib guusha uu gaaray hogaamiyaha cusub ee ANC Ramaphosa ayaa Guud ahaan magaloyinka waa weeyn ee koonfur afrika waxaa ka dhacay dabaaldagay waa weeyn gaar ahaan magalooyinka johannesburg,pretoria PE iyo PolokuwNi.
SONNA
