Xisbiga Talada haya ee Angola oo hogaaminaya natiijada doorashadii dalkaasi

Xisbiga Talada haya ee Dalka Angola ayaa lagu soo waramaya in uu hogaaminayo natiijada ilaa hadda la tiriyay ee doorashadii maalintii Axadda ahayd ka dhacday dalkaasi, waxaana la sheegayaa in 64.57% uu heley xisbigaasi, sida uu sheegay guddiga doorashada dalkaasi.

Mucaaradka dalkaasi ayaa isna heley  24.04% codadkii ilaa iyo hadda la tiriyay, waxaan mucaaradku ay ka soo horjeesteen durba natiijada hour dhaca ah, taasi oo lafilayo in ay soo afjarto, xukunka Madaxweyne José Eduardo Dos Santos oo muddo 38 sano ah maamulayay dalkaasi, kaasi oo haatan diyaar u ah in uu wareejiyo talada.

Guddiga doorashooyinka dalkaasi Angoola ayaa  Khamiistii shaaciyay in natiijooyinkii la tiriyay ee gobolada sedex meelood labo meel uu heley xisbiga talada haya.

Hadii la xaqiijiyo in doorashadaasi uu ku guuleysto xisbiga talada Dalka Angola haya, waxay fursad siinaysaa Wasiirka Difaaca dalkaasi  João Lourenço, oo si weyn loo hadal hayay in uu talada kala wareegi doono Madaxweyne José Eduardo Dos.