Xoghayaha Joogtada ah ee Wasaaradda Qorsheynta, Maal-gashiga iyo Horumarinta Dhaqaalaha Xukuumadda Federaalka Soomaaliya Mudane Cabdulqaadir Maxamed Aadan, ayaa maanta xarunta Wasaaradda kulan kula qaatay madaxda hay’adda NRC ee Soomaaliya.
Kulanka oo Xoghayaha ay ku wehelinayeen mas’uuliyiinta Agaasinnada Qorsheynta, Qiimaynta iyo Kormeerka ee Wasaaradda Qorsheynta Qaranka, ayaa loogga hadlay Istiraatiijiyadda NRC, Qorshe hawleedka sanadlaha ah ee hay’adda, sidii loo qiimeyn lahaa mashaariicda NRC ay ka fuliso Soomaaliya iyo xoojinta xiriirka shaqo ee NRC kala dhexeeya Hay’adaha dowladda .
Kulanka ayaa ku soo dhammaaday sii ambaqaadida iyo xoojinta shaqooyinka socda, iyadoo mar kasta la xaqiijinayo doorka iyo kaalinta dowladdu ku leedahay jaan-goynta iyo fulinta mashaariicda laga fulinayo dalka.
