Agaasimaha Guud ee Wasaaaradda Arrimaha Gudaha, Federaalka iyo Dib-u-heshiisiinta Dowlad Goboleedka Galmudug Mudane Warsame Faarax Cabdi ayaa si rasmi ah u soo xiray tababarka Maaraynta Hogaaminta Maxaliga ah, Xalinta khilaafaadka iyo ka qayb gelinta Arrimaha haweenka maamulka Dowladda Hoose oo loo qabtay Golaha deegaanka Degmada Gaalkacyo.
Tababarkaan oo socday muddo 16 maalmood ah, isla markaana lagu baranayay casharo la xariira hagaajinta maamulka, xalinta khilaafaadka iyo dowlad wanaaga, ayaa waxaa fulintiisa iska kaashaday Wasaaradaha arrimaha Gudaha heer Federaal iyo heer dowlad Goboleed, iyadoo ay goob joog ka ahaayeen xiritaanka tababarka mas’uuliyiin ka socday labada Wasaaradood.
Duqa Degmada Gaalkacyo Cabdiraxmaan Sheekh Xasan ayaa ugu horeyn ka mahadceliyay tababarka oo uu sheegay in wax weyn uu ku soo kordhinayo hagaajinta nidaamka maamul ee dowladda hoose ee Gaalkacyo.
Qaar ka mid ah xubnihii Golaha deegaanka degmada ee tababarku u soo idlaaday ayaa dhankooda xusay in ay wax weyn oo dhanka hagaajinta maamulka iyo xalinta khilaafadka ay korarsadeen muddadii ay tababarka ku jireen.
Ugu dambeyn Agaasimaha Guud ee Wasaaradda arrimaha Gudaha federaalka iyo dib u heshiisiinta Galmudug Warsame Faarax Qeyliye ayaa kula dar daarmay xubnihii tababarku u soo idlaaday in ay noqdaan kuwa ugu adeegga bulshadooda cilmiga ay barteen.
