Ugu yaraan Saddex xubnood oo ka tirsanaa kooxda nabad diidka Al-Shabaab ayaa lagu dilay weerar xagga cirkaa ah oo xalay ka dhacay Tuulada Bangeeni oo 8 KM dhanka galbeed kaga beegan Degmada Jamaame ee Gobbolka Jubbada hoose.
Duqeyntan oo ay geysteen Diyaaradaha dagaalka Maraykanka ayaa lala beegsaday Mooto Bajaaj ay saarnaayeen Shan Xubnood oo ka tirsan Al-Shabaab, kuwaas oo kusii jeeday Degmada Jamaame.
19-Kii Bishan ayay ahayd markii ay Diyaaradaha dagaalka Mareykanka duqeyn ka geysteen meel ku dhow Degmada Jilib ee Gobolka Jubbada dhexe, halkaasoo ay ku dileen Malleeshiyaad ka mid ahaa Al-Shabaab.
Ciidanka Milliteriga Soomaaliya qaybta Danab iyo Xoogagga nabad ilaalinta AMISOM oo kaashanaya kuwa NATO ayaa indhawaalaba howlgallo xagga Cirka iyo Dhulka ah ka waday degaanno ka tirsan koofurta Soomaaliya.
Isha/VOA
