Saddex xubnood oo ka tirsanaa kooxda Al-Shabaab, ayaa isku soo dhiibay Ciidanka Nabad Sugida iyo Sirdoonka Qaranka ee ka howlgala deegaanada Koonfur Galbeed Soomaaliya, gaar ahaan Magaalada Baydhabo.
Raggaan isku soo dhiibay Ciidanka NISA, ayaa lagu kala magacaabaa Ibraahim Xuseen Maxamed, Nuur Maxamed Abuukar iyo Yare Cali Xuseen.
Xubnahaan, ayaa sheegay inay ku dhuumaaleysan jireen Gobollada Baay, Bakool, Shabeellada Hoose iyo Hiiraan, markii la wareystay waxa ay sheegeen inay u adkeysan waayeen dhibaatooyinka Khawaarijta ay ku hayaan shacabka meel kasto oo ay joogaan. waxa ayna saaxiibadood ugu baaqeen inay dowladda isku soo dhiibaan oo ayna qeyb ka noqon dulmiga Bulshada Soomaaliyeed loo gaysanaayo.
Waxaa muddooyinkaan dambe soo badanayay dhallinyarada Soomaaliyeed oo ay qaldeen Khawaarijta kuwaas oo u adkaysan wayay dhibbaatad ay ku hayaa shacabka masaakiinta ah.
