Wasiirka Warfaafinta, hidaha iyo dalxiiska ee xukuumadda Soomaaliya Mudane Maxamed Cabdi Xayir Maareeye ayaa sheegay in dowladdu ay ka xuntahay qasaaraha ka dhashay dabkii ka kacay suuqa bakaaraha, gaar ahaan goobta shidaalka lagu iibiyo.
Mudane Maxamed Cabdi Xayir Maareeye ayaa tilmaamay in ganacsato Soomaaliyeed ay qasaaro ka soo gaartay dabka, kuwaasi oo qaarkood ku ganacsanaya goobta uu dabka ka kacay, waxaana uu intaa ku daray in xukuumadda ay waddo qorshe looga hortagayo soo noq noqoshada dabka.
Related posts
Wasiirka Warfaafina ayaa xusay in dabka nucaani oo kale ah uu marar badan ku soo noq noqday suuqyada magaalada Muqdisho, isagoo kula dar daarmay ganacsatada in ay masโuuliyad iska saaraan goobaha ay ka sameysanayaan meheradaha ganacsi.
โDowladda waxa ay ku tala jirtaa in goobaha ganacsi la isu raacin doono sida ay isu raaci karaan oo lakal saaro goobaha shidaalka lagu iibiyo iyo maqaayadaha, si looga hortago dabka ku soo noq noqday suuqyada magaalada, dowladduna waxaa u qorsheysan inay sameyso qorshe arrimahaasi wax looga qabanayoโ ayuu Wasiirku hadalkiisa ku soo gabo gabeeyay.
