Xulalka Aljeriya iyo Ghana ayaa u soo baxay wareega labaad ee koobka qaramada afrika.
Xulalka Aljeriya iyo Ghana ayaa ka kala badiyay xulalka Koonfur afrika iyo Senegal oo ay ku wada jireen Group-ka geerida ee C.
Xulka Aljeriya ayaa u soo baxay wareega labaad,ka dib markii uu 2-0 uga badiyay xulka Senegal.
Xulka Aljeriya ayaa waxaa labadii qeyb ee ciyaarta labada gool u kala dhaliyay ciyaaryahanada kala ah Riyad Mahrez iyo Nabil Bentaleb.
Xulalka Aljeriya iyo Ghana ayaa min lix dhibcood ugu soo baxay wareega labaad ee koobka qaramada afrika.
Sidoo kale xulka Ghana ayaa u soo baxay wareega labaad ee koobka qaramada afrika,ka dib markii uu 2-1 uga badiyay xulka Koonfur afrika.
Xulka koonfur afrika ayaa goolka la hor maray,waxaana qeybtii hore ee ciyaarta u dhaliyay ciyaaryahan Mandla Masango.
Xulka Ghana ayaa dhamaadkii qeybtii danbe ee ciyaarta la yimid labada gool,waxaana u kala dhaliyay ciyaaryahanada kala ah John Boye iyo Andre Ayew.
Xulka Ghana ayaa ku soo baxay kaalinta koowaad,halka xulka Aljeriya uu ku soo baxay kaalinta labaad.
