Xulka Ghana ayaa u soo baxay Semi-finalka koobka qaramada afrika,ka dib markii uu 3-0 uga badiyay xulka Guinea.
Ciyaartan ayaa waxa ay ka dhacday magaalada Malabo ee caasimadda dalka Equatorial Guinea.
Ciyaaryahan Christian Atsu ayaa labo ka mid ah goolasha u dhaliyay xulka Ghana,halka goolka sedaxaad uu u dhaliyay ciyaaryahan Kwesi Appiah.
Ciyaaryahan Naby Yattara ayaa dhamaadkii ciyaarta kaarka casaanka ah ka qaatay xulka Guinea.
Xulka Ghana ayaa markii shanaad oo xiriir ah u soo baxay Semi-finalka koobka qaramada afrika.
Xulka Ghana ayaa habeenka khamiista la ciyaari doono xulka marti galinayo koobka qaramada afrika ee Equatorial Guinea.
