Xulka Ivory Coast oo habeenkii axadda ku soo guuleeystay koobka qaramada afrika ayaa si aad ah loogu soo dhaweeyay caasimada dalkasi ee Abidjan.
Madaxweynaha dalka Ivory Coast Alassane Ouattara ayaa raadiyaha iyo telefishinka dalkaasi uga dhawaaqay in maalintii shalay uu dalka ahaa fasax qaran si loogu dabaal dago guusha 22-sano ka dib uu xulka Ivory Coast ka soo hooyay koobka qaramada afrika.
Kumanaan dadweyne ah ayaa isugu baxay wadada isku xirta garoonka ilaa bartamaha caasimada ganacsiga ee Abidjan si ay u soo dhaweeyaan geesiyaasha u soo hooyay guusha taariikhiga ah.
Ugu dambeyntii ayaa kumanaan dadweyne ah oo uu ku jiray madaxaweyne Alassane Ouattara waxa ay isugu soo uruureen garoonka Felix Houphouet Boigny Stadium oo ku yaala caasimada Abidjan si ay ugu dabaal dagaan guusha taariikhiga ah oo dalkooda u soo hoyatay.
Xulka Ivory Coast ayaa habeen hore rigoorayaal 9-8 ah koobka qaramada afrika uga soo qaaday xulka Ghana.
