Xulka Ivory Coasta ayaa u soo baxay Finalka koobka qaramada afrika,ka dib markii 3-1 uga badiyay xulka DR Congo.
Xulalka DR Congo iyo Ivory Coast ayaa ciyaartii koowaad ee Semi-finalka koobka qaramada afrika waxa ay caawo ku ciyaareen magaalada BATA ee dalka Equatorial Guinea.
Xulka Ivory Coast ayaa goolka la hormaray,waxaana daqiiqadii 21-aad ee ciyaarta u dhaliyay ciyaaryahan Yaya Toure.
Xulka DR Congo ayaa hal daqiiqo ka dib helay rigoore,waxaana gool u bedelay ciyaaryahan Dieumerci Mbokani.
Ciyaaryahan Gervinho ayaa dhamaadkii qeybtii hore ee ciyaarta goolka labaad u dhaliyay xulka Ivory Coast,sidasi ayaana lagu kala nastay qeybtii hore ee ciyaarta.
Ciyaaryahan Wilfried Kanon ayaa daqiiqadii 68-aad ee ciyaarta goolka sedaxaad u dhaliyay xulka Ivory Coast.
Xulka Ivory Coasta ayaa habeenka axada ah ciyaarta kama dambeysta ah ee koobka qaramada afrika la ciyaari doono xulkii soo baxo xulalka Ghana iyo Equatorial Guinea oo habeen danbe wada ciyaari doono.
