Xulka Ivory Coast ayaa u soo baxay Semi-finalka koobka qaramada Afrika,ka dib markii uu 3-1 uga badiyay xulka Aljeriya.
Xulka Ivory Coast ayaa goolka la hor martay,waxaana daqiiqadii 26-aad ee ciyaarta u dhaliyay ciyaaryahan Wilfried Bony,sidasi ayaana lagu kala nastay qeybtii hore ee ciyaarta.
Ciyaaryahan El-Arbi Hilal Soudani ayaa bilowgii qeybtii labaad ee ciyaarta gool barbardhac ah u dhaliyay xulka Aljeriya.
Ciyaaryahan Wilfried Bony ayaa daqiiqadii 69-aad ee ciyaarta goolka labaad ee guusha u dhaliyay xulka Ivory Coast.
Ciyaaryahan Gervinho oo labadii kulan ee ugu dambeysay ganaax ku maqnaa ayaa dhamaadkii ciyaarta goolka sedaxaad u dhaliyay xulka Ivory Coast.
Xulka Ivory Coast ayaa arbacada la ciyaari doono xulka DR Congo.
