Xulka Ivory Coast ayaa u soo baxay wareega labaad ee koobka qaramada afrika,ka dib markii uu magaalada Malabo 1-0 uga badiyay xulka Cameroon.
Ciyaaryahan Max-Alain Gradel ayaa daqiiqadii 36-aad ee qeybtii hore ee ciyaarta goolka guusha u dhaliyay xulka Ivory Coast.
Xulka Ivory Coast ayaa ku soo baxay kaalinta koowaad ee Group-ka D,waxana uu ku soo baxay shan dhibcood.
Xulka Guinea iyo Mali ayaa la kala saari waayay,ka dib markii ay magaalada Mongomo ku galeen barbardhac 1-1 ah.
Xulka Guinea ayaa goolka ku hor maray,waxaana daqiiqadii 15-aad ee ciyaarta gool rigoore ahaa u dhaliyay ciyaaryahan Kevin Constant.
Gool-hayaha Guinea Yattara ayaa qeybtii hore ee ciyaarta rigoore ka qabtay ciyaaryahan Seydou Keita.
Ciyaaryahan Modibo Maiga ayaa bilowgii qeybtii labaad ee ciyaarta goolka barbardhaca u dhaliyay xulka Mali.
Xulalka Guinea iyo Mali ayaa wada leh min sedax dhibcood, labada xul ayaa la kala saari kari waayay,waxana bari lagu kala saari doonaa quri tuur loo samayn doono.
Xulalka Cameroon iyo Mali ayaa ka haray koobka qaramada afrika,waxana ay bari dib ugu laaban doonaan dalalkooda.
Hadaba waa kuwan xulalka u soo baxay wareega labaad ee koobka qaramada afrika.
Congo ? – ? DR Congo
Tunisia ? – ? Equatorial Guinea
Ghana ? – ? Guinea/Mali
Ivory Coast ? – ? Algeria
