Munaasabadaan oo lagu maamuusayey sanad guuradii 38 aad ee kasoo wareegatay markii dowladda Jabuuti ay xornimada ka qaadatay Gumeystihii Faransiiska ayaa xalay lagu qabtay magaalada Dubai ee dalka Isutaga Imaaraadka Carabta, halkaasi oo ay kaga qeyb galeen maas’uuliyiin uu ka midyahay Ra’iisul wasaarihii hore ee Soomaaliya Mudane Cabdi Faarax Shirdoon Saacid, Safiirka dowladda Jabuuti ee Imaaraadka Carabta u jooga iyo xubno kale.
Xafladda lagu weynayay markii dowladda Jabuuti ay xornimada ka qaadatay Faransiiska waxaa kaloo ka qeyb galay wax garad, aqoonyahanno iyo marti sharaf kale oo xafladda lagu casuumay, iyadoo ka qeyb galaashu ay ka sheekeeyeen taariikhdii loo soo maray xornimada Jabuuti.
Safiirka Jabuuti u fadhiya Imaraadka Carabta Danjire Cusmaan Muuse Darar ayaa hambaliyo u diray shacabka reer Jabuuti meelkasta oo ay joogaan, isagoo sanadkan kiisa kale u rajeeyay inay ku gaaraan bash bash iyo baraare.
Ra’iisul wasaarihii hore ee Xukuumadda Federaalka Soomaaliya Cabdi Faarax Shirdoon Saacid ayaa isna dhankiisa hambalyo ku aadan todobaadka xoriyadda u diray Shacabka reer Jabuuti iyo shacab weynaha Soomaaliyeed, waxaana uu intaa ku daray
ABDULQAADIR AXMED SHEEKH DUBAI
