Ciimada xoogga dalka Qeybtooda 21-aad ee ku sugan magaalada Cadaado ayaa maanta waxa ay dhinacooda sameeyeen munaasabad ay ku waynaynayaan 12-ka April oo kuna beegan 56-sano guuradii ka soo wareegtay aas aaska ciidanka xoogga oo maanta ka dhacday meelo badan oo dalka ka mid ah.
Taliyaha qeybta 21-aad sareeyo guuto, Cabdi Yusuf Maxamed (Faadaco) oo ah abaanduulaha qeybta, gaashaanle sare C/laahi Adan Cirro iyo saraakiishaba ayaa ka qayb galay dabaaldaga ay ciidamadu samaynayeen, waxaana taliyuhu uu hambalyo u diray saraakiisha, saraakiil xigeenada, alifleyda iyo dableyda ka tirsan xoogga dalka iyo xaasaskoodaba.
Dhamme Cali Cartan Aadan, oo muddo dheer ka mid ahaa xoogga dalka ayaa sheegay in Soomaaliya ay lahayd ciidan militari Africa ka tilmaanan uuna rajeynayo in mar kale dib loo gaarsiiyo heerkaas.
Madaxwayne ku xigeenka dawlad goboleedka Galmudug Maxamed Xaashi Cabdi, ayaa isna u hambalyeeyay ciidamada xoogga dalka ee ku sugan deegaanada ay maamulaan, waxaana uu sheegay in wax badan ay ka caawiyeen dhinaca nabadgalyada iyo la dagaalanka kooxda Al-shabaab, maadaama Galmudug ay wali curdan tahay.
W/D: Maxamuud Cabdi Diirshe
