Munasabadaan oo lagu maamuusayey maalinta dhalinyaradda Soomaaliyeed ee 15ka may, isla markaana lagu xasuusanayeys 72 sano guuradii ka soo wareegtay aas-aaskii ururkii dhalinyaradda gobonimo-doonka Soomaliyeed ee S.Y.L ayaa xalay lagu qabtay Magaladda Mudisho.
Xaflada oo ay soo qaban qaabisay wasaaradda Dhalinyaradda iyo ciyaaraha Soomaliya ayaa waxaa ka qayb galay madaxwaynaha Jamhuuriyadda Soomaliya, Guddoomiyaha Golaha Shacabka Soomaliyeed, Ra’iisal wasaare ku-xigeenka Dalka, xubno ka tirsan labada gole ee dowladda Soomaliya, xeer ilaaliyaha Guud ee qaranka iyo marti sharaf kale.
Munasabadda oo halkig dhigeendu ahaa “Dhalinyaradu waa lafdhabarka Dalka “ ayaa intii ay socotay waxaa ay faananiinta Soomaliyeed ku soo bandhigen sugaan ka hadlaysa ahmiyadda ay 15 ka May, ururkii S.Y.L iyo flim Documentary ah oo ka hadlayey tariikhdiisa.
Cabdiraxmaan Jaylani oo ah wiil dhalinyaro ah isla markaana Naafo ka ah aragga ayaa sheegay in dhalinyaradu ay diyaar u yihiin in ay samaystaan tariiq cusub oo ay dadka Somaliyeed ku xasuustaan.
“Dhalinyaradii S.Y.L ee xorriyadda soo dabbaalay, runtii xiliyadii ay howsha wadeen waxay ahayd xiliyo aad u adeg,waxay ila tahay manta dhallinyaradu in ay haystaan waqti muhiim ah oo ay wax ku qaban karaan ,Dhalinyarada Soomaliyeed waxaan aminsan ahay hadii laga talo galaiyo hormarinta dalka in wax badan ay ka gaysan karaan oo ay ku samayn karaan Tariiq cusub .”Ayuu Yari Cabdiraxmaan.
Guddomiyaha Ururka Haweenka Qaranka Batuullo Sh Axmed Gabale ayaa xustay in haweenka Soomaliyeed ay dowr wayn ku lahayeen halgankii lagu doonayey xorriyadda isla markaana ay naftooda ku waayeen haween badan .
“Waxaan ka xusi karaa dumarkii kalinta wayn ka qaatay halkangii Xorriyadda ee S.Y.L Xaliimo Godane, Timiro Cukaash , Xaawo Soomali, Xaawo Siiso iyo Dumar aad ufara badan. Waxaana iyaduna ka mid ahayd Geesiyaddii ku geeriyootay halgankaasi ee Xaawo Cismaan “Xaawo Taako”, oo taalladeedu ay ku taallo meesha ku addan xarunta hooyooyinka “ayey tiri Marwo Batuulo.
RIIX SAWIRKA HOOSE SI AAD U DAAWATO SAWIRRADII XAFLADDA
Xasan Maxamed Xuseen Muungaab Guddoomiyaha gobolka Banaadir ahna duqa magaladda Duqdisho aya sheegay in dhalinyaradda Soomaliyeed looga bahan yahay in kaalintooda ka qaatan hormarka dalka ka socda.
“Maanta waxaa la marayaa mudo bur-burkii laga baxayo oo dalkii dib loo dhisayo dowladda rasmi ah ay dhalatay, een dhalinyaradda manta runtii waxaa loo bahan yahay inay yacni guntiga dhiisha iska dhigaan sidii dalkeenu mar kale cagahiisa isugu taagi lahaa, Dowlad-nimadenana aan u adkaysan laheyn dalkeena an u dhilsan lahayn hadii Allah idmo” ayuu yiri Mungaab.
Wasiirka Dhalinyaradda iyo ciyaaraha Somaliya Maxamed Cabdulahi Xasan (nuux) ayaa tilmaamay in qorsha ugu horeeya ee wasaradiisa uu yahay samaynta siyaasadda dhalinyaradda Soomaliyeed.
“Qorshaheena ugu horeeya ee wasaarada waxa uu yahay in la dhiso siyaasadda dhalinyaradda, siyaasadda dhalinyaradu waxay hal beeg u tahay xaquuqda dhallintu yeelanayso, waxay hal beeg u tahay kala hagidda iyo isku ogolaanshaha wada noolshaha dhalinyaradda, oo ay ugu horreyso in lagu kala hagaago doorashadda iyo xeerar an ku wada kalsoon nahay , kuwaasi oo tilmaamaya Dimuqoraadiyadda iyo Hormar”Ayuu wasiirka dhalinyradda Soomaliya .
Mudane Maxamed Cumar Carte Qaalib Ra’iilsal wasre ku-xigeenkaXukumadda Soomaliya ayaa sheegay in xukumadda Soomaliya ka go’an tahay dajinta siyaasadda xasiloon oo dalka lagu maamulo isla markaana dhalinteena u horseedi doonta hormar.
“annugu dowlad ahaan xukumadda waxaa ka go’an in la sameeyo siyaasad deggan, siyaayaasadda dagananshaha leh oo dalka lagu maamulo, taa weeye tan ugu muhiimsan,” ayuu yir mudane Carte .
Goddoomiyaha barlamaanka mudane Maxamed Sheekh Cismaan (Jawaari) oo munasabadda ka jeediyey hadal kooban ayaa sheegay in 15 may tahay tahay malin ku wayn Ummadda Soomaliyeed.
“Dhammaan muwaadinijnta meesha yimid waxan idiin soo gudbinayaa salaan diiran oo aan idinkaga wado golaha shacabka Soomaliyeed, 15 May waa malin wayn ismarkaana mudan xasuus”. Ayuu yiri guddoomiye Jawaari.
Madaxwaynaha jamhuuriyadda federaalka Soomaliya mudane Xasan Sheekh Maxamuud oo ugu danbayntii ka hadalay Munadaasi lagu xusyey malinta dhalinyaradda Soomaliyeed ee 15-ka May ayaa sheegay in ay tahay lagama maarmaan in la helo dhalinyaro xirfad leh, taasi oo uu dal kasta ku hormaro.
“Soomaliya waxay u bahan tahay in dhalinyaradaan loo sameeyo xirfado shaqo, nalka in sifican loo xiro karo, baabuurka soo fiican loo sameyn karo, waddada noo dhisi kara, waxan u baahan nahay marka inaan helno xarumo lagu tababaro dhallinyarada oo xirfadleyaal laga soo saaro, kulligeen jamacadahaan wada aadayno ma wada helayno, haddii aan wada helnona shaqo kuma wada heleyno, marka xirfadleyaal ayaan u baahan nahay xoogga ugu wayn ee dal hormariyaa waa kuwaas” Ayuu madaxwaynaha dalku.
Gabagabadii munsabadda Wasiirka dhallinyarada ayaa haddiyado iyo billad guddoonsiiyey madaxwaynaha, gudoomiyaha baarlamanka, Ra’iisal wasaare ku iyo Guddoomiyaha Gobolka Banaadir.
Riix Linkiga hoose si aad u daawatid sawirrada
