Wasiirka Haweenka iyo horumarinta xuquuqda aadanaha ayaa maanta kulan looga hadlayey wada shaqeyn dhexmarta iyo in wada Jir loo xuso maalinta Haweenka adduunka la qaadatay Xildhibaannada Haweenka ah ee Barlamaanka Federaalka Soomaaliya ku jira.
Kulanka waxa uu ujeedkiisu ahaa wada shaqeyn dhexmarta Wasaaradda iyo Xildhibaanada Haweenka ah, isla markaana si wada jir ah loogu diyaar garoobo Xuska Maalinta Haweenka Adduunka ee 8-da Maarso.
Related posts
Xildhibaan Maryan Macalin Isaaq oo ku hadashay Afka Xildhibaanada Haweenka ah ayaa sheeegtay in waxyaabaha ay Wasiirka ka wada hadleeen ay yihiin kuwa la isku afgartay, ayna diyaar u yihiin in wada shaqeyn buuxda la yeeshaan Wasaaradda Haweenka.
Wasiirka Wasaaradda Haweenka iyo Horumarinta Xuquuqda Aadanaha ee Xukuumadda Soomaaliya Marwo Sahro Cali Samatar ayaa soo dhaweysay goโaannadii ka soo baxay shirka ay la qaadatay Xildhibaanada haweenka ah ee baarlamaanka ka tirsan, waxaana ay bulshada qeybaheeda kala duwan ka codsatay in ay u istaagaan sidii wada jir loogu xusi lahaa maalinta haweenka Adduunka oo ku beegan Axadda dambe oo ay taariikhdu noqoneyso 8-da bisha Maarso.
Wasiirka Wasaaradda Haweenka ayaa maalmihii la soo dhaafay waxaa ay waday dadaallo ay ku doonayso in Haweenka qaybahooda kala duwan ugala hadasho sidii wada jir loogu weyneyn lahaa xuska Maalinta Haweenka, iyadoo dhawaan kulan la qaadatay Ururada Haweenka Qaranka iyo kan Gobolka Banaadir oo ay kala hadashay arrintaan
