Munaasabadaan oo lagu maamusayay xuska maalinta Shaqaalaha Aduunka, sidoo kalena shahaadooyin iyo qalab ay ku shaqeystaan lagu Guddoonsiinayay ilaa laba boqol oo dhallinyara ah, isla markaana muddo hal sano ah la barayay xirfado ay ku shaqeysan karaan oo ay ku maareen karaan nolashooda ayaa lagu qabtay xarunta tababbarka xirfadaha Caddoow ee magaalada Gaalkacyo.
Related posts
Munaasabada oo ay ka qeyb galeen mas’uuliyiin ka tirsan Galmudug iyo xubno ka socday bulshada qeybahooda kala duwan ayaa waxaa ugu horeyn ka hadlay maamulaha xarunta tababbarka Prof Caddow Cabdullaahi Cumar Kaahiye oo dhallinyarada ku booriyay inay ku shaqeystaan xirfadda la baray.
Cabdiqaadir Xasan Warsame oo ku hadlayay magaca Hay’adde Care oo barnaamijkan gacan ka geystay ayaa sheegay in dhallinyarada oo la baraa xirfado ay ku shaqeystaan ay yareynayso tahriibka iyo dhallinyarada ay ka mid noqdaan kooxaha xag jirka ee dhibaatada ku haya Ummada Soomaaliyeed.
Ugu dambeyn waxaa munaasabadda ka hadlay Agaasimayaasha Wasaaradaha Waxbarashada iyo dhallinyarada dowlad Goboleedka Galmudug Cumar Cabdi Maxamed iyo Axmed Nuur Cismaan Cali oo si wada jir ah ugu baaqay dhallinyarada inay ka qeyb qaataan horumarinta amniga.
