Madaxweynaha Uganda Yoweri Museveni, oo muddo 30 sano ah xukumayay dalkaasi, ayaa mar kale loo doortay madaxweynaha dalkaas, doorashadii ka dhacday dalka.
Museveni, ayaa helay in ka badan 60 boqolkiiba codadka la dhiibtay, halka Musharraxa la tartamayay Meseveni, ee xisbiga mucaaradka, Kizza Besigye, uu helay 35 boqolkiiba codadka la dhiibtay. wax yar un ka hor inta aan lagu dhawaaqin natiijada doorashada, ciidamada ammaanka ee dalka Uganda, ayaa Kizza ku riday xabsi guri.
Booliska ayaa fuliyay xarigga siyaasiyiin kala duwan oo u dhaqdhaqaaqa mucaaradka, oo uu ku jiro Besigye.iyagoo muddo afar jeer ah xiray Kizza, tan iyo maalintii ay billaabatay doorashada, wuxuuna hadda xabsi-guri ku yahay hoygiisa oo ku yaalla magaalada Kampala.
Kor-joogtada Midowga Yurub ee ku sugan dalka Uganda, ayaa dhalleeceeyay sida ay u dhacday doorashadii Khamiistii ee madaxtinimada iyo baarlamaanka ee dalkaasi.
Mid ka mid ah indha-indheeyeyaasha oo ka socda baarlamaanka Yurub, Jo Leinen waxa uu sheegay in codeynta ay hareysay akhbaaraad waxrbaahineed oo aan cadaalad ahayn.
