Kooxda kubada cagta zenit Petersburg ee ka dhisan horyaalka dalkaasi Ruushka ayaa doonaysa in markii ugu horeysay ay noqoto koox adkaata dhamaan kulamada koobka kooxaha qarada yurub ee champions league kadib markii ay adkaatay kulanki shanaad ee is xiga kulan ay la ciyaartay kooxda Velencia oo ka dhisan horyaalka la ligaha dalka Spain.
Zenit ayaa waxaa ka go,an in ay ku biirto kooxaha Ac Milan. Real Madrid. Paris Saint. Spartak Moscow. Barcelona, kuwaa oo wada adkaaday dhamaan 6 kulan ee koobka kooxaha qarada yurub ee champions league. 1992-93 Ac Milan ayaa noqotay kooxdii ugu horeysay ee adkaata dhamaan lixda kulan ee wareega group yada ee horyaalka kooxaha qarada yurub.
Sidoo kale dhamaan lixdaasi kulan waxaa laga dhaliyay Milan hal gool oo quraa waana kooxda Kaliya ee laga dhaliya hal gool lixda kulan ee wareega group da koobka kooxaha qarada yurub ee champions League halka ay dhalisay 11 gool ayadoo xiligaasi na ay ku guuleysatay koobka. 1994-95 Paris Saint Germain oo ka dhisan faransiiska ayaa barbareysay recordkaasi Milan,
waxaana ay adkaatay dhamaan lixdii kulan ee group ka balse waxaa laga dhaliyay sadex gool Halka ay dhalisay 13 gool. 1995-96 Spartak Moscow ayaa Sidoo kale adkaatay dhamaan lixda kulan ee koobka kooxaha qarada yurub,
waxaana ay dhalisay 15 gool Halka laga dhaliyay afar gool oo quraa. 2002-03 Barcelona oo ka dhisan Spain ayaa Sidoo kale waxaa ay adkaatay dhamaan lixda kulan ee koobka kooxaha qarada yurub ee champions league waxaana ay dhalisay Sadex iyo toban gool Halka laga dhaliyay afar gool oo quraa. 2011-2012
Real Madrid ayaa markii labaad sameysay recordkaasi kadib markii ay adkaatay dhamaan lixdii kulan ee wareega group ka 19 gool ay dhalisay Halka laga dhaliyay Laba gool oo quraa waxaana ay u soo dhawaatay kooxda Milan oo hal gool oo quraa laga dhaliyay lixda kulan ee wareega group ka sanadkii 1993.
Real Madrid waxaa kaloo ay noqotay kooxda Kaliya ee markii labaad sameysa record ka ayadoo Sidoo kale ay tahay kooxdi ugu danbeysay ee sameysa. Zenit Petersburg hadii ay adkaato kulanka ka dhiman wareega group ka waxaa ay noqon doonta kooxdii ugu danbeysay ee sameysa record kaasi ayadoo Sidoo kale noqoneysa kooxdii labaad ee ka dhisan dalka ruushka oo sameysa recordkaasi ayadoo hore ay u sameysay kooxda Spartak Moscow
W/D Axmed Salaad Shiiqoow
