Gudoomiyaha gobolka Banaadir ahna duqa magaaladda Muqdisho Xasan Maxamed Xuseen”Muungaab”ayaa soo Jeediyey in xilka laga qaado gudoomyihii hore degmada Shibis Md:C/fitaax Nuur Cali”Yaanyo” iyadoo degmada Shibisna loo magacaabay gudoomiye cusub kaas oo horay gudoomiye uga soo ahaay degmada Waabari ee gobolka Banaadir.
Soo jeedinta gudoomiyaha gobolka Banaadir ayaa waxaa aqbalay wasiirka Arimaha Gudaha iyo Federalka kaas oo leh Xilka qaadista iyo magacabista gudoomiyaasha degmooyinka dalka Soomaliya oo dhan.
Sidoo kale waxaa gudoomiyihii hore ee degmada Shibis C/fitaax Nuur Cali loo magacaabay gudoomiyaha degmada Kaaraan iyadoo gudoomiyihii degmada Kaaraana Md Axmed Xasan Yalaxow loo magacaabay degmada Shangaani taas oo ah isku shaandheynta ay wadaan gudoomiyaha gobolka Banaadir iyo Wasiirka Arimaha Gudaha Iyo Federaalka Md C/raxman Maxamud Odowaa.
Waxaana saxiixay Wasiirka Arimaha Gudaha Iyo Federaalka Md”C/raxmaan Maxamed Xuseen.
