Wakaaladda wararka AP ayaa qortey in 140 Soomaali ah oo dib u dajin ka helay Mareykanka in dib loogu celiyey xeryaha qaxootiga dalka Kenya.
Dadkan ayaa waxaa sameeyay goβaanka Madaxeyne Donald Trump uu ku hakiyey soo galootiga ka imaanaya wadamo toddobo ah oo Soomaaliya ay ka mid tahay.
Related posts
Ma cadda xilliga ay dadkan ay tagayaan dalka Mareykanka maadama maxkamad Mareykanka ay amartey in meesha laga saaro xannibaadda qaxootiga.
Maxkamad Mareykan ayaa amar ku bixisay in dib loo billaabo dadka qaxootiga ee ka immaanaya toddobo wadan oo Islaam ah waxaana ku jira Soomaaliya.
βSidee dareemeysaa haddii maalin aad saaxibkaa u sheegtay in ay u socotid Mareykanka haddana aad ku tiraahdo waan soo laabteyβ sidas waxaa wakaaladda wararka AP u sheegay Nadiir Xasan oo ah 28-jir.
Wuxuu sheegay in 27 sanno uu qaxooti ku ahaa xeryaha qaxootiga dalka Kenya balse uu ku rajo weynaa in ay nolal cusub u billaabato sannadkan maadama uu u socdo dalka Mareykanka.
Si kastaba,Kenya ayaa ku dhawaaqday in ay xireyso xeryaha dhadhaab oo ay ku nool yihiin in ka badan 250,000 oo qof oo qaxooti ah kuwaasoo ay ku jiraan Soomaali badan oo dib u dajin ka helay dowladda Mareykanka.
Afhayeen u hadlay QM ayaa sheegtey Sabtidii in dadkas oo laabanaya la dajin doono xero qaxooti oo ku taalla,Kakuma, halkaasoo ay deggan yihiin dad ka yimid Koonfurta Sudan.
