17 Qof oo ku dhimatay Duufaanno ka dhacay Dalka Madagascar

Ugu yaraan 17 Qof ayaa ku dhimatay Kumanaan Dad ahna way ku barakaceen Duufaano xooggan oo ku dhuftay qaybo ka mid ah Dalka Madagaskar, sida ay warbaahinta u sheegeen Masuuliyiin ka tirsan Dowladda Axaddii Shalay ahayd.

Duufaanta lagu Magacaabo Eliakim; oo wadata Dabaylo ayaa Saacaddiiba jaraysa masaafa dhan 105 Kiiloo Mitir oo u dhiganta (65 mayl) , iyadoo kasoo talloowday Xeebaha Waqooyi bari ee jasiiradda Badweynta Hindiya Jimcihii dhawaa.

Tirada ugu dambaysay ee dhimashada Dadka ayaa waxaa ku dhawaaqay Xafiiska maareynta musiibooyinka ee Dalka Madagaskar, wuxuuna sidoo kale sheegay in 15,000 oo Qof ay saameysay Duufaanta Eliakim.

Hay’adda musiibooyinka ayaa sidoo kale sheegtay in Duufaantan oo wadata Dabaylo iyo Daadad xooggan oo ka dhashay Roobab halkaasi ka da’ay ay bur-buriyeen 630 Guro ah, iyadoo laga baqdin qabo inay dhimashadu intaa ka badato.

Bishii Jannaayo ayay ahayd markii ay Dalkaasi ka dhacday Duufaanta Ava ; taasoo ay ku Naf waayeen 51 Qof , 78 Qof ayaa sidoo kale ku dhimmatay Duufaanta Enawo; oo iyana halkaasi ka dhacday Bishii March ee Sanadkii hore.

Madagascar, oo ka mid ah Dalalka ugu Saboolsan Caalamka, ayaa waxaa ka dhacay Afartameeyo Duufaanno ah Tobankii Sano ee lasoo dhaafay, kuwaasoo u geystay waxyeellooyin xooggan kagana tagay raadad fool xun.

XIGASHO: SONNA