Barnaamijka Sahanka Radiyaha ee ka baxa Radio Muqdisho iyo Telefishinka Qaranka ayaa waxaa maanta looga hadlay faa’iidada ay dhirta u leedahay noole kasta, waxa ay diinta Islaamku ka qabto xaalafinta dhirta iyo arrimo kale.
Barnaamijka Sahanka waxaa marti ku ahaa Wasiir ku–xigeenka Wasaaradda xanaanada Xoolaha, dhirta iyo daaqa ahna Guddoomiyaha guddiga qaban qaabada xuska maalinta dhirta Soomaaliya Mudane Cabdinaasir Gaarane Maxamed, Sheekh Nuur Baaruud Gurxan Afhayeenka hay’adda Culimada Soomaaliyeed iyo Prof Maxamed Xasan oo ah hormuudka Jaamacadda Ummadda Soomaaliyeed u qaabilsan dhir beerista, iyagoo ka hadlay faa’iidada ay dhirtu u leedahay noole kasta.
Dowladda waxa ay horey u soo saartay go’aan ka dhan ah dhoofinta dhuxusha, waxaana 11-kii bishan uu Madaxweynaha Jamhuuriyadda Federaalka ah ee Soomaaliya Mudane Xasan Sheekh Maxamuud daah furay todobaadka dhir beerista Qaranka Soomaaliya, isagoo geedkii ugu horeeyay ku beeray Taalada Daljirka Dahsoon ee degmada Boodheere.
Halkaan ka Dhageyso Barnaamijka Sahanka
Sawir:-qaade Khadar Cali Nuur
