In badan 400,000 qof ayaa codsaday in Aung Sang Suu Kyi lagala noqdo biladda nabadda ee loo yaqaano Nobel Peace Prize sida ay uga aamustay dhibaatada lagu hayo Muslimiinta Rohingya.
Hoggaamiyaha xisbiga Burma’s National League for Democracy ayaa bilada nabada lagu abaalmariyay sanadkii 1991, ayadoo ku muteysatay ololaheeda ahaa in dadka laga qabto doorasho xor ah.
405,000 oo ruux ayaa hadda saxiixey codsiga loo jeediyay guddiga biladda nabadda in ay kala noqdaan Ms Suu Kyi, oo lagu eedeeyay in ay ku guuldareystay in ay iaaliso xuquuqda Muslimiinta Burma.
Hase ahaatee guddiga biladda nabada ee Norway ayaa sheegay in aysan kala noqonin abaalmarinta, ayagoo xusey kaliya waxa la xisaabayo ay aheyd shaqadii ay ku muteysatay.
Waxaa soo baxayay wararka sheegaya in dambiyo ka dhan ah bani’aadanimaa ay u geysteen ciidanka Burma iyo kooxo Buddhist dadka Muslimiinta ah.
Kumanaan guri ayaa oo ku yaala gobolka Rakhine ayaa la gubay, iyadoo ku dhowaad 300,000 oo qof ay ka qaxeen deegaanadii ay ku noolaayeen muddo labo todobaad ah.
Kormeeriyaal ayaa sheegay in 1,000 lagu diley halkaas, waxaana xoghayahaha guud ee QM António Guterres, waxaa uu sheegay in rabshadahan ay yihiin isir sifeyn.
Hey’addaha gargaarka ayaa sheegay in si dadka Muslimiinta Rohingya loo caawiyo loo baahan yahay adduun gaaraya $77m (£58m).
