Safiirka Safaaradda Jamhuuriyadda Federaalka Soomaaliya ee dalka Hindiya Mudane Axmed Cali Daahir,ayaa magaalada Visakhapatnam ee gobolka Andhra Pradesh kullan kula qaatay ardayda Soomaaliyeed ee gobolkaasi wax ka barata.
Kulanka Safiirka iyo ardayda,ayaa waxaa ku wehlinayay Xoghayaha kowaad ee Safaaraddda Marwo Faadumo Maxamed Cabdi,Ardayda ayaa ugu horreeyn Safiirka iyo wafdigiisa kusoo dhaweeyay gobolka ay wax ka bartaan islamarkaana warbixin guud ka siiyay xaaladda ardayda iyo heerarkooda waxbarasho, sidoo kale waxaa ay lawadaageen caqabadaha jira iyo sidii ay Safaarad ahaan ku xalin karaan.
Safiirka, ayaa u sheegay ardayada in ay wadaan dadaalo sidii ay wada shaqeyn dhaw u yeelan lahaayen ardayda, guud ahaan ee dalka Hindiya wax kabarata, gaar ahaan ardayada uu kulanka laqaatayna si gaar ah tabashooyinkooda uxalin doono ayna heli doonan dhammaan adeegyada ay uga baahanyihiin Safaaradooda.
Dhanka kale Safiirka, ayaa ardayda kula dardaarmay in ay ka mira dhaliyaan dadaalkooda waxbarasho iyo midkii ay waaliddiintooda ku bixiyeen si ay usoo gaaran heerarkaan kala duwan ee waxbarashada.
