Guddoomiye ku Xigeenka 1aad ee Golaha Shacabka ayaa shir guddoomisay Kalfadhiga 2aad kulankiisa 25aad ee Golaha Shacabka BJFS ayadoo uu goobjoog ahaa Guddoomiye Ku xigeenka 2aad ee Golaha Shacabka Kulanka oo ay soo xaadireen 152 Xildhibaan ayaa ajendihiisu Ahaa.
1)Akhrinta 3aad iyo U codeynta Hindise Sharciyeedka Socdaalka
2)Dhameystirka Warbixinta Akrinta 2aad Ee Hindise Sharciyeedka La-dagaalanka Argagixisada
2)Ka doodista Warbixinada Akhrinta 2aad ee Hindise Sharciyeedyada Dhowrista Xogta
3)Ka doodista Warbixinada Akhrinta 2aad ee Hindise Sharciyeedka Maareynta Deeganka.
Guddoomiye ku Xigeenka 1aad ee Golaha ayaa cod galisay Hindise Sharciyeedka Socdaalka waxaana Haa ugu codeeyay 145 xildhibaan waxaana diiday 1 xildhibaan waxaana ka aamusay 6 xildhibaan.
Intaasi kadib xildhibaanada Golaha shacabka BJFS ayaa dood adag ka yeeshay Sadaxda sharci ee kala ah Dhameystirka Warbixinta Akrinta 2aad Ee Hindise Sharciyeedka La-dagaalanka Argagixisada Iyo Ka doodista Warbixinada Akhrinta 2aad ee Hindise Sharciyeedyada Dhowrista Xogta Iyo Ka doodista Warbixinada Akhrinta 2aad ee Hindise Sharciyeedka Maareynta Deeganka, xildhibaanada ayaa intooda badan doododa ku saleysneeyd toosin iyo talosoojeedin ku aadan sharciyada kor ku xusan
Ugu dambeyntii guddoomiye ku xigeenka koowaad ee Golaha Shacabka oo shir guddoomineysay kulanka ayaa soo xirtay, iyadoo fartay Xoghayaha Guud ee Golaha Shacabka BJFS” in Sadaxda sharci Akhrintooda 3aad uu ku wareejiyo Guddiyada ku shaqada lah.
