Shil gaari oo sababay dhawaaca ku dhawaad 20 qofood ayaa galabta ka dhacay duleedka bari ee degmada Beledweyne ee xarunta gobolka Hiiraan.
Shirlkan ayaa yimid kadib markii ay isku dhaceen Laba gaari oo ay saarnaayeen dad farabadan oo Rakaab ah, waxaana sida la sheegay ku dhaawacmay 17 qofood.
Dadka ku dhaawacmay shilkaas oo qaarkood ay qabaan dhaawacyo cul culus ayaa la dhigay cisbitaalka guud ee magaalada Beledweyne.
Lama soo sheegin cid ku dhimatay shilkaasi, laakiin qaar ka mid ah dadka ku dhaawacmay ayaa laga deyrinayaa xaaladooda kuwaasoo qaba dhaawacyo daran.
Shilalka noocan oo kale ah ayaa la rumeysan yahay ineey ku yimaadaan qibrad yarida wadayaasha iyo waddooyinka oo burbursan.
