Gudoomiyaha gobolka galgaduud Xuseen Cali Wehliye “Cirfo” ayaa booqasho ku tagay degmada Guriceel ee gobolka Galguduud oo ay dhawaan ka dhaceen qulqulatooyin, isagoo kulan la qaatay qeybaha kala duwan ee bulshada.
Wareysi uu siiyay Radio Muqdisho ayuu guddoomiyuhu ku sheegay in bulshada degaanka iyo maamulku ay ka mideysan yihiin horumarinta nolosha iyo adkeynta ammaanka ayagoo kala shaqeynaya maamulka gobolka iyo kan degmada.
“Ujeedka aan u nimid waxay ahayd inaan u kur galno oo aan wax badan ka ogaanno shaqaaqooyin dhawaan ka dhacay degmada” ayuu yiri guddoomiye Cirfo oo tilmaamay in dadweynaha iyo hoggaanka bulshada ay is-warsyteen isla markaana ay isla garteen sida loo horumarin karo degmada.
Sidoo kale wuxuu sheegay Cirfo in maamulka iyo bulshadu ay ku howlan yihiin sidii loo dhamaystiri lahaa maamulka gobollada dhexe oo ay ku midoobi doonaan maamullada ka jira Mudug iyo Galguduud, ayadoo dowladda Dhexe ay guddi kala shaqeeya arrintaas dadka degaanka u magacowday.
