Tababar loo qabtay in ka badan 200 oo macalimiinta Dugsiyada Qurโaanka kariimka ah oo ka kala yimid gobollada dalka iyo qaar ka mid ah wadamada deriska ah ayaa lagu soo gebagebeeyay magaalada Muqdisho.
Tababarkan oo socday muddo Sadex maalmood ah ayaa waxaa soo qaban qaabisay Muโasasada Ansaarul Qurโaan Kariim ee Soomaaliya, waxaana lagu baranayay sidii loo horumarin lahaa barashada Qurโaanka Kariimka iyo culuunta Diinta Islaamka.
Related posts
Munaasabadii lagu soo gunaanadayay tababarka oo ka dhacday xarunta Sheekh Cismaan Xidig ee degmada Kaaraan ayaa waxaa ka qeybgalay masโuuliyiin ka tirsan dowladda, culumaaโudiin iyo marti sharaf kale.
Sheekh Cusmaan Sheekh Cumar Sheekh Daaโuud oo ka mid ah culumaaโudiinka Soomaaliyeed ee ku caan baxay fidinta diinta Islaamka oo muโasasadiisu bixineysay tababarka ayaa si qota dheer uga hadlay baahida loo qabo horumarinta habka barashada iyo fidinta diinta Islaamka, wuxuuna kula dar daarmay xubnihii loo qabtay tababarka iney bulshada gaarsiiyaan aqoontii ay ka faaโiideen tababarka.
Ku simaha wasiir ku xigeenka wasaaradda Owqaafta iyo arrimaha diinta Yuusuf Xeyle Jimcaale oo isna ka hadlay munaasabadda ayaa sheegay in wasaaraddu dhiirigelineyso tababarrada noocan oo kale ah, wuxuuna hoosta ka xariiqay muhiimadda ay leeyihiin tababarrada noocan oo kale.
War-murtiyeed laga soo saaray kulanka oo ka koobnaa dhowr qodob ayaa waxaa saxaafadda u aqriyay Sheekh Xasan Abuukar Maalin.
