Munaasabad Balaaran oo ay ka qayb galeen Mas,uuliyiin kala duwan sida Maamulka jaamacada Hormuud University Maamulka Shirkada Isgaarsiinta Hormuud Waalidiin Ardada Jaamacada Hormuud iyo qaybaha kala duwan Ee Bulshada Ujeedkeeduna ahaa Qalinjabinta Dufcadii koowaad Arday ka qalinjabisay Kuliyada Injineerinka Qaybteeda Electric Enjineerinka ayaa waxaa lagu qabtay Magaalada Muqdisho.
Munaasabadaas oo ahayd mid si wanaagsan loo soo agaasimay ayaa waxaa lagu soo bandhigay Muuqaalo ka turjumaya Waxqabadka Jaamacadda Hormuud waxaana ka hadlay Munasabada oo si Faah Faahsana uga hadlay Taariikhda iyo Heerarka ay soo martay Jaamacada Hormuud University Gudoomiyaha Guud Ee Jaamacadaas Prof Jaylaani Cabdulaahi Cusman oo sidoo kalena hambalyo iyo Bogaadin u diray Ardada Qalin jabisay.
Waxaa sidoo kale Mas,uuliyiinta ka hadashay ka mid ah Gudoomiyaha Shirkada Hormuud oo Hambalyo uu ardada u soo jeediyay ka dib sheegay in Maamulka Shirkada Hormuud uu mar walba diyaar u yahay in ardada iyo qaybaha bulshada uu gacan siiyo Hormuudna ay mabaadiideeda ay qayb ka tahay Caawinta bulshada iyo dhiiri galinta aqoonta.
Ugu dambeyntiina Shahaadooyin ayaa Maamulka Jaamacada iyo Shirkada Hormuud waxaa ay gudoonsiiyeen Ardada Qalin jabisay iyo sidoo kale Qaar ka mid ah macalimiinta Jaamacada wax ka dhigta oo iyagu dadaaalkooda lagu siiyay Shahaadooyinka
