Maamulka Heyโadda Shabeelle Foundation iyo Wazda ayaa booqday xarunta xanaanada caruurta agoonta ee deegaanka Jambaluul ee gobolka Shabeelaha Hoose.
Ujeedada kormeerka masโuuliyiinta heyโadda Shabeelle Faoundation iyo Wazda ayaa ahaa u kuurgelidda xaaladda nololeed iyo tan waxbarasho ee caruurta ku jirta xarunta xanaanada agoonta ee Jambaluul.
Maamulaha xarunta xanaanada agoonta ee Jambabaluul ayaa warbixin ka siiyay masโuuliyiinta heyโadda, xaalada waxbarasho ee caruurta lagu xanaaneeyo xaruntaasi.
Wuxuu tilmaamay in xarunta ay iminka ku jiraan 556 caruur agoon ah, ย kuwaas oo isugu jira gabdho iyo wiilal, wuxuuna intaasi raaciyay in xaruntu ay bixiso waxbarasho isugu jirta Diini, maaddi iyo tarbiyo, isagoo dhinaca kale xusay in xarunta ay ka howlgalaan 13 macalimiin ah oo aqoon durugsan u leh barbaarinta caruurta.
Xiriiriyaha guud ee heyโadda Shabeelle Foundation Mustaf Guure oo halkaasi hadal ka jeediyay ayaa sheegay in heyโaddu ay gacanta ku heyso xaruntaasi islamarkaana ay bixiso dhaqaalaha ku baxa waxbaridda iyo barbaarinta caruurta ku jirta xarunta Jambaluul.
Isagoo hadalkiisa sii wata ayuu intaasi raaciyay in heyโaddu sidoo kale ay ka shaqeyso Beeraha, Caafimaadka, iyo waxbarashada Shabeelaha hoose.
Xiriiriyaha heyโadda Shabeelle Foundation ayaa dhinaca kale hoosta ka xariiqay iney sii kordhin doonaan taakuleynta xarunta xanaanada agoonta ee Jambaluul.
Sidoo kale xiriirayaha heyโadda Shabeelle ayaa ugu baaqay dadka Soomaaliyeed ee wax heysta iney taageero dhaqaale ย la soo gaaraan xarunta xanaanada caruurta agoonta ah ee Jambaluul.
Dhinaca kale madaxa heyโadda Wazda marwo Siraad Maxamed Jimcaale oo munaasabadda ka hadashay ayaa uga mahadcelisay heโadda Shabeelle Foundation masโuuliyadda ay iska saartay xanaaneeyna caruurta ku jirta xarunta agoonta ee Jambaluul.
Waxey tilmaantay inย ururkeeda isu tagga haweenka uu wax u qaban doono haweenka iyo caruurta.
Xarunta aqoonta Jambaluul oo la aasโaasay 7-06-2013 ayaa waxaa mudadaasi taakuleynayay heyโadda Shabeelle Foundation oo ka howlgasha gobolka Shabeellaha Hoose.
