Wasiirka Wasaaradda arrimaha Haweenka iyo Xuquuqul insaanka Sahro Maxamed Cali Samatar ayaa kulan magaalada Muqdisho kula qaadatay ururada bulshada rayidka ah oo ay ka wada hadeen arrimo kale duwan oo la xiriira horumarinta ururada bulshada iyo sidii wax loogu qaban lahaa dadka danta yar.
kulanka oo ugu horeyn ku bilowday isbarasho u dhexeysay Wasiirka Wasaaradda Haweenka iyo xuquuqul insaanka Sahro Maxamed Cali Samatar iyo xubnaha ka socday ururada bulshada ayaa waxaa la guda galay ka hadalka arrimo ay ka mid yihiin sidii ay u wada shaqeyn lahaayeen wasaaradda iyo ururada bulshada iyo wasaaradda Haweenka.
Wasiirka Haweenka iyo xuquuqul insaanka ayaa muujisay sida ay ku dooneyso in la horumariyo adeegyada asaasiga u ah horumarinta bulshada gaar ahaan dhalaanka iyo hooyada, iyadoo sheegtay in si dhow ay ula shaqeyn doonto ururada bulshada.
Ugu dambeyntii Wasiirka haweenka iyo xuquuqul insaanka Xukuumadda Federaalka Soomaaliya Sahro Maxamed Cali Samatar ayaa waxa ay tilmaantay in kulankii maanta uu qeyb ka ahaa sidii loogu diyaar garoobi lahaa xuska maalinta haweenka ee 8 Maarso oo la qorsheynayo in magaalada Muqdisho lagu qabto munaasabadaasi.
