Dowladda Soomaaliya ayaa sheegtay in ay sii socon doonaan wada-hallada u dhaxeeya Soomaaliland iyo dowladda dhexe oo ka furmi waayay magaalada Istanbuul ee dalka Turkiga kaddib markii markii ay shuruud adag ku xireen wafuuddii ka socotay Somaliland.
Wasiirka Warfaafinta Soomaaliya mudane Maxamed Cabdi Xayir โMaareeyeโ ayaa shir jaraaโid oo uu ku qabtay Istanbuul ka sheegay in shirkan baaqday uusan la micno ahayn in wada-hadalladii ay burbureen. Wuxuu tilmaamay in madaxda qaranka la tashi ay ugu laaban doonaan wada-hadalladuna ay dib u billaaban doonaan.
Related posts
โWaxaan shacabka Soomaaliyeed meel kasta oo uu joogo u sheegayaa inaan laga quusan doonin wada-hadallada,ย waa sii socoon doonnaanโ ayuu yiri wasiir Maareeye oo intaa raaciyay in labada wafdi ay isla garteen in wada tashiyo ay ula laabtaan madaxda ka sarreysa.
Wafdiga ka socday Soomaaliland ayaa diiday inay wada-hadallada galaan ayagoo dalbaday in wafdiga Dowladda Soomaaliya metelaya laga saaro wasiiro iyo masuuliyiin ka soo jeeda gobollada woqooyi ee dalka, arrintaas oo ay dowladdu ku tilmaantay mid aan la aqbali Karin.
Sanadkii 2012-ka ayay soo billowdeen wada-hadallada u dhaxeeya Soomaaliland iyo Soomaaliya, waxaa lagu heshiiyay arrimo badan ayadoo kulankii ugu dambeeyay ee madaxwene Xasan Sheekh Maxamuud iyo madaxweynaha Soomaaliland ku yeesheen dalka Jabuuti la isku raacay in laga wada hadlo arrimaha masiiriga ah ee ka dhaxeeya Soomaaliland iyo Dowladda Federaalka Soomaaliya.
