Kulankaani Wasiirka Kalluumaysiga iyo Kheyraadka Badda ee Xukuumada Federalka Soomaaliya oo ay wehilyan Wasiir ku xigeenka iyo Agaasimaha guud Wasasaradda ay maanta la yeeshay mas’uul ka socday hay’adda Qaramada Midoobey u qaabilsan Cuntadda iyo Beeraha ee FAO ayaa looga hadalay qodobo dhowr ah oo la xiriiray Arrimaha Kalluumasiga Soomaaliya.
Arimaha looga hadalay kulanka ayaa waxaa ka mid ahayd sidii ay hay’adda FAO ay Wasaaradad kaga gacan siin lahayd ,Kobcinta xirfadda Kaluumaysata Soomaaliyeed si sare loogu qaado wax soo saarka kheyraadka badda ,xog aruunin Wasaaradda ay doonayo in ay ka samaysi 6 gobal oo ka mid ah dalka, qorshaha Wasaaradda ay ku doonayso in ay ku samayso anteeno la soconaysa dhaq dhaqaaqa Maraakiibta Soomaaliya sida sharci darada ah ugu kalluumaysanaya taasi oo u suurtagasho waxaa hadda qalabeyn ku socotaa xarunta Wasaaradda ay ku sameynayso qaab casri ah kaas oo hadda meelo geba gebo ah maraya.
Agaasimaha guud ee Wasaaradda Kalluumaysiga iyo Kheyraadka Badda Soomaaliya Mudane Axmed Maxamed Iiman oo warbaahinta qaranka la hadlay ayaa waxaa uu sheegay in kulanka uu guul ku soo dhamaaday.
Ururka IOTC oo ah urur ay ku midaysan yihiin wadamada ay marto badwaynta India isla markaana leh kalluunka loo yaqano Tuna-aha ayaa la aas-aasay sanadkii 1993-dii, Soomaaliyana waxaa ay ku biirtay sanadkii hore ee 2014kii.
Sawir Qaade: Farxaan Saleebaan Daahir
