Roobabkaan oo watay Dabayllo qabow ayaa ka da,ay goobo badan oo ka mid ah magaalada iyo Nawaaxigeeda, iyadoo muddo gooban ay istaageen isku socodka dadka iyo gawaarida, roobabka yaa biyo dhigay waddooyin laami ahaa oo gawaaridu ay isticmaali jireen.
Marka laga tago neecawda qabow ee Roobabka ayaa haddana waxa uu saameen ku yeeshay qoysaska Barakacayaasha ah ee ku nool xiryaha barakacayaal ee ku yaalla magaalada muqdisho, iyadoo la arkayay dadkaas iyagoo iska moosaya biyaha roobka oo guryaha u soo galay.
Dhinaca kale Roobabkii saakay ayaa sababay qasaare soo gaaray dad rayid ah oo ku noolaa degmada Boondheere ee gobolka Banaadir,kaddib markii uu ku soo dumay guri ay ka daganaayeen degmadaas,qasaaraha uu sababay roobkaan ayaa ah sadex ruux oo dhaawac ah iyo hal qof oo dhimasho ah,
Xaaladda magaalada iminka waxa ay u muuqataa mid ay dib ugu soo laabanayaan gawaarida, kaddib markii uu istaagay Roobabkii sida xowliga ah u billowday saakay.
