Wakiilka gaarka ah ee xoghayaha guud ee Qaramada Midoobay u qaabilsan Soomaaliya Nicholas Kay ayaa soo dhoweeyay doorashada afhayeenka baarlamaanka cusub ee dowlad goboleedka Galmudug.
โWaxaan ammaan u jeedinayaa Wasiirka Arrimaha gudaha iyo Federaalka ah Mudane Cabdiraxmaan Maxamed Xuseen Odowaa, Guddiga farsamada, xubnaha baarlamaanka cusub, sida ay isugu dubarideen doorashada Afhayeenka baarlamaanka Dowlad goboleedka Galmudug iyo ku-xigeenadiisa, isla markaana doorashada Madaxtinimada ay adkeeyaan oo ay ku dadaalaan sidii uu u mira dhali lahaaโ ayuu yiri Mr Kay.
Danjire Kay ayaa u hambalyeeyay Guddoomiyaha cusub ee baarlamaanka Galmudug Cali Gacal Casir iyo labadiisa ku-xigeen Xareed Cali Xareed iyo Maxamed Sheekh Axmed Macalin, waxa uunta intaa ku daray inuu si aad ah ku qanacsan yahay qaabka ay ku dhacday doorashada.
Xafiiska Qaramada Midoobay ee Soomaaliya ayaa ballan qaaday inuu sii wadi doono taageerada uu la garab taagan yahay hannaanka dhismaha dowlad goboleedka Galmudug oo maraya marxalad gabagabo ah, waxaana 4-ta July lagu wadaa in lagu soo gunaanado doorashada madaxweynaha oo lagu qabto magaalada Cadaado.
