Ololahan lagu hagaajinaayo wadooyinka islamarkaana dib loogu dib loogu soo celinaayo bilicda magaalada Muqdisho ayaa xalay laga sameeyay wadada isku xirta Ex-control Afgooye ilaa Wadada Maka Al mukaramaย halkaasi oo laga sameeyay olale carada iyo qashinka looga badiifinaayo wadada.
Kusimaha guddoomiyaha gobalka Banaadir ahna gudoomiye ku xigeenka siyaasada guddoomiyaha gobolka ayaa kormeeray ololahaasi nadaafadeed sidoo kale waxaa goobta ku sugnaay gudoomiyaasha degmooyinka Hodan iyo Waabari.
Related posts
Agaasimaha howlaha guud dowlada Hoose ee Xamar ย Sheekh Cumar Xuseen Maxamed ayaa ugu horeyn kawar bixiyay ololaha nadaafadeed.
Gudoomiyaha degmada Hodan Axmed Salaad Ibraahimย ayaa sheegayย in ay si wanaagsan u socdaan howlaha dib loogu hagaajinaayo Wadooyinka muhiimka ah ee mara degmada Hodan.
Ku simaha gudoomiyaha gobalka Banaadir ahna gudoomiye ku xigeenka dhanka Siyaasada ย Maxamed axmed Diiriye ayaa digniin adag u diray dadka sida sharci darada ah laamiyada uga daadiya qashinka iyo wasaqda.
โWaxaan u sheegaynaaย una digeynaa dukaamada iyo maqaayadaha caadeystay ย inay qashinka inta soo qaadan laamiga dhaxdiisa soo dhiganย gobalka Banaadir waxaa uu sameeyayย bara loogu talagalay qashinkaย in la dhigoโ, ayuu yiri Diiriye.
Dhinaca kale ku simaha gudoomiyaha gobalka Banaadir ayaa xariga ka jaray suuqa ย maana-Booliya oo kamid ah suuqayada taarikhiga ah ee ku yaala degmada Shibis ee gobalka Banaadir kaas oo ku burburay dagaaladii ka dhacay dalka.
Masโuuliyinta mamaulka gobalka Banaadir iyo kan degmada Shibis ayaa kormeeray qeybaha uu ka kooban yahay suuqasi.
Guddoomiyaha degmada Shibis ee gobolka Banaadir Axmed Muumin Maxamedย ayaa u mahadceliyay dadkii ka qeyb qaatay dib u dayactirka lagu sameeyay suuqaan, isagoo sheegay in arintan ay qeyb ka tahay barnaamijka dalkaaga dhiso oo horey ugu dhawaaqay madaxweynaha dalka Mudane Xasan Sheekh Maxamuud.
Kusimaha gudoomiyaha gobalka Banaadir Maxamed Axmed Diiriye ayaa maamulka degmada Kula dardaarmay in si cadaalad ah bulshada loogu ย qeybiyo suuqasi si dhamaan dadka oo dhan uga faaโideystaan.
