Baqdin ayaa soo food saartay Maleeshiyaadka Argagaxisada ah ee Al Shabaab ee ku sugan degmada Baar dheere ee gobolka Gedo, kaddib markii ar arkeen in si naba aysan uga baxsaneynin Seefta Ciidamada Qalabka Sida oo ay gasha kala baxeen taasi oo suura galisay in waayadii ugu dambeeyay awooda maleeshiyaadkaasi ay wiiqaan.
Wararka ka imaanaya Gobolka Gedo ayaa waxaa ay sheegayaan in magaalada Baar dheere ee gobolka Gedo oo ay si baqdin ay key jirto kooxda UGUS ay ugu suganyihiin ay bilaabeen horjoogayaasha maleeshiyaadkaasi in ay isaga baxaan halkaasi kaddib markii ciidamada qalabka sida u dhaqaaqeen dhanka magaalada Baardheere oo qorshuhu yahay in kooxdaasi gacanteeda laga bixiyo.
Dadka degaanka ayaa radio Muqdisho u sheegay in horjoogayaasha iyo maleeshiyaadka kooxdaasi ee Al Shabaab ay bilaabeen in ay isaga baxaan magaalada oo ay u baxsadeen dhanka gobolka Jubada dhexe marka laga reebo in yar oo iyagu bilaabay in dhalinyarada ay ku qasbaan in ay ka bar bar dagaalamaan oo ay ka hortagaan ciidanka Qaranka maadaama aysan u babac dhigi Karin awoodooda Sooma jeestayaasha ciidamada qalabka sida oo wacad key maray in ay baabi’inayaan kooxda oo gabalkoodu sii dhacay.
