Deegaanno hoos yimaada degmada Ceelbuur ee gobolka Galgaduud ayaa lagu soo waramayaa in lagu duqeeyay horjoogayaal iyo maleeshiyaad ka tirsan kooxda nabad diidka ah, xilli ay ku kulansanaayeen deegaan ku dhaw Tuulada Wabxo.
Gudoomiyaha tuulada Wabxo Cabdi Axmed Kabayare ayaa Radio Muqdisho u sheegay in diyaaradaha qumaatiga u kaca ee Helokabtariska oo ay leedahay dowladda Ethiopia ay duqeeyeen meel ay ku shirayeen horjoogayaasha kooxda nabaddiidka ah ee Shabaab.
Wuxuu tilmaamay in duqeyntaasi ay ka dhalatay qasaare aad xooggan oo soo gaaray kooxda Shabaab, isagoo intaa ku daray in duqeymuhu ay ka kala dhaceen laba deegaan oo ah duleedka tuulada Wabxo.
Maleeshyaadka Shabaab ee ku sugan deegaano ka tirsan gobolka Galgaduud ayaa waxaa xilligan soo wajahay cabsi xooggan oo kaga imaaneysa howlgallada ay ciidamadu ka wadaan gobolka galgaduud.
Wasiirka Warfaafinta oo Muqdisho ku soo xiray Tababarka Wariyayaasha Nabadda
Wasiirka Warfaafinta, Dhaqanka iyo Dalxiiska Xukuumadda Federaalka Soomaaliya, Mudane Cabdulfataax Qaasim Maxamuud, ayaa maanta magaalada Muqdisho ku soo xiray tababar...
