Madaxweynaha Dowlad goboleedka Puntland Dr. Cabdiweli Maxamed Cali Gaas ayaa booqday ciidanka ku sugan jiida hore ee deegaanka Godod oo qiyaastii 30-kiilo mitir ujirta magaalada Gaalkacyo ee xarunta Gobalka Mudug.
Mudane Cabdiweli Gaas ayaa markii uu gaaray deegaankaasi waxaa uu salaan sharaf ka qaatay cutubyo ka tirsan ciidanka. isagoo ciidanka iyo saraakiishooda ku amaanay dadaalka ay wadaan, kuna booriyey in ay laba jibaaraan adkeynta nabadgelyada .
Madaxweynaha Dowlad Goboleedka Puntland ayaa intaas kadib kormeeray ceel riig ah oo laga qodayo deegaanka jeexdin oo u dhaxeeya deegaanka Godod iyo magaalada Gaalkacyo.
Ceelkaan ayaa maraya heer gebo gebo ah, waxaana uu guddiga wada qodista ceelkaas ku bogaadiyey howsha ay hayaan, maadama uu yahay ceel la rabo inay ka wada faa’iideystaan shacabka ku dhaqan deegaannada maamulka Puntland.
