Guddoomiyaha maamulka gobolka Hiiraan mudane C/fitaax Xasan Afrax oo howlo shaqo ku jooga dalka Masar ayaa Xalay casho sharaf ku casuumay dhalinyaro dhawaan maamulka gobolka Hiiraan uu u diray dalka Masar si ay ugu soo qaataan tababar ku saabsan dhinaca beeraha iyo Xoolaha.
Dhalinyaradani oo uu u dhamaaday tababarka la xiriira horumarinta wax soo saarka xoolaha iyo beeraha ayaa ujeedada cashada xalay uu la wadaagay ay eheyd sidii guddoomiyaha uu wax ugu ogaan lahaa casharada ay soo barteen iyo baahiyaha ay qabaan kooxda tababarka qaatay.
Dhalinyaradani ka socday gobolka Hiiraan ee tababarka ku qaatay dalka Masar ayaa warbixin la xiriirta mudadii tababarka uu u socday oo ah 3 bilood waxa ay siiyeen guddoomiyaha maamulka gobolka Hiiraan, iyadoo warbixintaasi uu u riyaaqay guddoomiyaha oo markii f hore fikirka ah in loo tababaro dhalinyaro lahaa.
Guddoomiyaha Gobolka Hiiraan C/fitaax Xasan Afrax ayaa ku dhiira galiyay dhalinyarada in ay xoojiyaan ku shaqeynta wixii ay ku barteen dalka Masar maamulkiisuna uu garab taaganyahay wax alaala wixii fududeynaya howlaha laga sugayo.
Guddoomiyaha gobolka Hiiraan ayaa wada dadaalo la xiriira horumarinta gobolka hiiraan, iyo taageero dhinaca horumarinta ah oo uu ugu raadinayo wadamada saaxiibada caalamka, waxaana tani ay ku tuseysaa sida guddoomiyaha ay uga go’antahay balaarinta Waxqabadkiisa iyo dar dar galinta xoojinta dowladnimada.
