70 arday oo 20 kamid ah ay gabdho yihiin ayaa maanta waxaa magaalada Muqdisho loogu qabtay xaflad shahaadooyin lagu gudoonsiinayay kadib markii Jaamacadda Hope qeybteeda Muqdisho,waxayna ardaydan barteen Kuliyadaha kala ah Public health, Horumarinta iyo xiriirka Caalamiga ah.
Munaasabada ayaa waxaa ka qeybgalay agaasimaha guud ee wasaaradda waxbarashada iyo Tacliinta sare, Ambasodor Diinaari,maamulka sare ee Jamacadda,waalidiin iyo marti sharaf kale.
Qaar kamid ah ardayda Jamacada ayaa goobta ku soo bandhigay suugaan kale duwan oo ay ka qyebgaliyaasha xaflada ku madadaalinayeen.
Prof Najiib Sheekh C/kariim oo ah gudoomiyaha guud ee Jaamacadda Hope oo xafladda hadal ka jeediyay ayaa ardayda waxaa uu ku booriyay in ay dalka horumar ku soo kordhiyaan ,isagoo sidoo kalena xusay in Jaamacadda Kuliyado cusub qorsheynayso.
Guddoomiye Najiib ayaa sheegay in sadex Kuliyadood oo kala ah Kuliyadda Sheybaarka, Umulisonimada ama midwifery iyo cilmiga caafimaadka carruurta ee Pediatric, waxaana uu intaa ku daray in sidoo kale qorshaha dhow uu yahay in shahaadada sare ee PhD ay dalka Keento Jaamacadda Hope.
Agaasimaha guud ee wasaaradda waxbarashada iyo Tacliinta sare ee xukuumadda Soomaaliya Mudane Ismaaciil Yuusuf Cismaan ayaa sheegay in wasaaraddu meel geba gebo ah uu u marayo xeerka waxbarashada sare isla markaana la dhisay gudiga sare ee waxbarashada dalka.
Mudane Ismaaciil ayaa tilmaamay in xeerka sare ee waxbarashada dalka dhowaan la soo saari doono isla markaana loo soo bandhigi doono dhamaan Jaamacadaha dalka iyo umadda Soomaaliyeed si loo kala ogaado midda Jaamacad u qalanta iyo tan aan u qalmin.
Jaamacadda Hope faraceeda magaalada Muqdisho ayaa waxaa ay aheyd Jaamacadii ugu horeysay ee dalka keenta daraasada sare ee Master, waxayna Jaamacadu bixisaa dhowr Kuliyadood oo ay kamid yihiin Kuliyadda Caafimaadka guud ee Public Health,xiriirka Caalamiga ah iyo kuwo kale, iyadoo dufcaddii 8 aad oo Jaamacadda ka qaata shahaadada koowaad ee heerka Jaamacadda ay maanta ka qalin jabisay.
