Kabtan Axmed Xasan Caraale oo ka mid ah saraakiisha ciidanka xoogga dalka ee gobolka Galgaduud ayaa ka warbixiyay howlgalo ay ka sameeyeen deegaanno hoos yimaada dagmada Ceel buur oo ay qasaara kale duwan ay ugu geysteen maleeshiyaadka argagaxisada Al Shabaab.
Waxa uu shegay sarkalkani in tiro ka mid ah maleeshiyaadkaasi ay dileen halka kuwa oo dhagar qabayaal ah gacanta ay ku dhigeen sharcigana ay soo taagi doonaan.
Kabtan Axmed Xasan Caraale ayaa sidoo kale ka hadlay deeganada ay weli ku harsanyihiin argagaxisadu ee gobolka Galgaduud ay duulaan ku yihiin, isagoo tilmaamay inta badan deeganada gobolka galgaduud ay subuuxda gacanta ugu haayaan ciidanka xoogga dalka Soomaaliyeed iyo kuwa midowga Africa ee Amisom.
Howlgalkani ayaa qeyb ka ah howlgalada lagu dabar goynayo argagaxisada Al Shabaab ee caqabada ku ah xasiloonida Soomaaliya, waxaana si isku mid ah degmooyinka iyo deegaanada gobolada dalka uga soconaya howlgalo ku ah UGUS dharbaaxo xoog leh oo wiiqeysa awoodooda.
